Սեմինարների շարք ծնողների համար

Դեկտեմբերի 2-ին տեղի ունեցավ առաջին «Պարաշարժողական թերապիա․ գործնական և տեսական մոտեցումները» թեմայով սեմինարը։ Սեմինարը անցկացրեց Հասմիկ Թանգյանը՝ պարուհի, պարային թերապևտ, ԲԱ-ԱՐ-ԴԻ-Ա «Պարի և Շարժման Լաբորատորիայի» հիմնադիր։ Հասմիկը ոււնի 5 տարվա աշխատանքային փորձ պարաշարժողական թերապիայի բնագավառում զարգացման առանձնահատկություններ ունեցող երեխաների և մեծահասակների հետ։

Սեմինարների շարք ծնողների և կամավորների համար

Դեկտեմբերի 7-ին տեղի ունեցավ «Հասկացություն արտթերապիայի մասին. Արտթերապիայի հիմնական ուղղությունների արդյունավետության վերլուծությունը և կիրառման շրջանը» սեմինար-քննարկումը

Սեմինարի ընթացքում քննարկվեցին.

• Արտթերապիան որպես հոգեթերապևտիկ ուղղություն
• Ստեղծագործական գործընթացը որպես թերապիա
• Արտթերապիայի հիմնական ուղղությունների տեսական և կլինիկական ասպեկտները
• Արտթերապիայի վերականգնող, թերապևտիկ, զարգացնող ազդեցության մեխանիզմները

Սեմինարը վարեց «Իմ Ուղին» ուսումնավերականգնողական կենտրոնի արտթերապիայի ծրագրի համակարգող, հոգեբան-արտթերապիստ, ԵՊՄՀ-ի դասախոս Ալվինա Հայրապետյանը։